Ideale gevestigde aftreeoord met goed versorgde tuine en sekuriteit.

Gerief, lae onderhoud en slim energiebesparing kom almal saam in hierdie 2-slaapkamer-simplex vir 50-plus persone. Die huis het ’n 5 Kva sonkragstelsel, gratis boorgatwater vir die tuin, en 'n troeteldier-vriendelike omgewing (met die Beheerraad se goedkeuring). Die oorspronklike motorhuis is omskep in 'n gerieflike studeerkamer en afsonderlike opwasarea met volop ingeboude kaste, maar dit kan met gemak weer na 'n volledige geteëlde motorhuis terug verander word indien verlang. Daar is ook besoekers parkeerplek reg voor die eenheid.

Die oopplan-kombuis — kompleet met 'n spens, ontbyttoonbank en genoeg plek vir al jou toerusting — vloei oor na die ruim sit- en eetkamer. Van daar lei skuifdeure na 'n onderdakstoep met 'n verstelbare louver-dak en 'n privaat tuintjie wat perfek is vir rustige middae. Die hoofslaapkamer beskik oor sy eie en-suite badkamer met 'n stort, terwyl die tweede badkamer 'n bad, wasbak en toilet bied.

Geleë in 'n veilige, goed gevestigde deeltitel-aftreeoord met 24-uur toegangbeheer, geniet inwoners totale gemoedsrus en 'n wonderlike gemeenskapsgevoel. Ontspan in die pragtig versorgde tuine, neem 'n veilige wandeling, of neem deel aan die sosiale aktiwiteite in die ontspanningssaal, braaiarea en biblioteek. Die kompleks is ideaal geleë naby die Wilgers Hospitaal, The Grove Mall en die N4, wat jou vinnige toegang gee tot top-inkopies, restaurante en mediese sorg.